O Bondye, Gran Achitek, Siprèm de tout lòt dye ki nan syèl
yo, ou menm ki se Papa Seyè ak Sovè nou an Jezi Kris, Papa nou ki nan Syèl
yo, nou desann nou byen ba kounye a, nan moman sa nou konsidere ki enpòtan
anpil pou nou tout kap viv nan peyi d` ayiti,
peyi zansèt nou yo te kite pou nou, gen
plis pase 2000 ane. Tanpri papa rantre
nan ke nou ede nou, vin Lanmou tout bon, paske Lanmou se inik chimen ki ka
pèmèt nou rete an kontak ak tout plan, envizib,
kit an wo kit anba. Papa toupisan e inivèsèl, ede nou devlope kapasite sa a yo,
ouvri kè nou ak enèji ou, ak enspirasyon ou .
Bondye ou menm ki
twa fwa sen, ranfòse nou, vivifye nou, san èd ou nou pap ka janm soti nan chenn esklavaj ki nan tèt nou, nan l`espri nou, ki fe nou toujou
depann de lot moun, e ki fe nou paka monte pi wo. Men nou kanpe jodia, ak tout
sa ki konnen, tout sa ki soude ak fem konviksyon nou , Pou nou derape ak peyi d`ayiti tout bon nan fen tan yo
. Nou rann nou kont ke pagen tan anko, jodia nan gwo dat 12 Desanm, 2012 sa, nou mandew, O Gran
Mèt, nan moman midi sa a menm ; kote 7 jou yo make 7 fos kap domine ni
anwo ni anba . Aksepte pou nou ofrann nou yo ki soti nan kè nou ki brize ak
lespri nou ki dezole, tanpri libere nou de tout erè nou yo, doulè nou yo, peche
nou yo ak tout sa nou te fè mal
depi tan menmbo. Tanpri
ouvri kè nou ak renmen san parey ki
soti bo kotew, ki se kle inivèsèl tout pòt nan mond lan.
Nap mandew : favè ak kè sansib, paske tout peyi ki desann
ou gen pouvwa pou fe-l monte. Se pou limyè ki nan ou efase fènwa ki nan nou,
gen pitye pou nou, lave nou de tout sa nou fe ki mal, netwaye nou ak branch
izòp, delivre nou anba tray nou yo, ede nou gen konsyans de eta déplorable ke nap viv: nivo ki pi ba ke yon
pep ka ye, ke chak moun ka monte nan nivo pou yo konnen e chwazi sa
ki bon yon fason pou nou mache nan limyè epi rete an amoni ak tout eleman ki sou te-a tankou : eleman dife, lè a, dlo, te-a ak Etè-a.
Vini nan nou: ou
menm ki Sous tout gras - dife sakre ki
sot nan lanmou divin – charite san parey ou te ofri ak disip ou yo – onksyon
bon lespri ki fè nanm nou rete kole nan ou – vre lespri ki dwe toujou nan nou –Fe
lespri bon konpran ki te nan tet salomon vin sou nou - Lespri konesans ak fos ki dwe manifeste nan tet tout gwo
dirijan nou yo - Lespri imilite ak syans -
Lespri respè pou Seyè a ki fè nou
konvèti chak jou - Lespri favè ak lapriyè
- Lespri konfyans – Lespri dousè ak imilite - Lespri lapè ak pasyans - Lespri modesti ak purete - Lespri konsolatè -
Lespri inivèsèl ki ranpli tout
ekzistans - Lespri otonomi - lespri
Jistis.
"O Papa , se pou fè lespri divin w lan desann ak flanm,
ke Kris la te pote sou tè-a e ke li te
vle fè jayi tout kote . Gran mèt nou, ban nou
kom boukliye limyè , bon lespri ki soti bo kotew, pou ede nou nan fason nap aji, nan tout sa nap fè, sosyalman ak espirityèlman: pou 100 tan ak milye lot ane kap vini yo. "Nan non pitit
gason w lan, Jezi Kris. Hozana ! Hozana ! Hozana ! pou kote ki
pi wo nan syèl -yo, amèn.
Augustin jean Leptune
Chercheur et Théologien
509 37 10 03 82
